БИШКЕК, 1-мар. — Sputnuk. АКШнын мамлекеттик департаменти мекендештерине Түркияга баруу өмүр үчүн кооптуу болуп тургандыгын эскертип, кайрылуу таратты.
"Мамдепартамент америкалык жарандарды Түркияга барбай коюуга чакырат. Жакында эле болгон жардыруудан жана эл аралык, жергиликтүү топтордун күн сайын жаратып жаткан кооптуулугунан улам, жарандарыбыз Түркияга саякатка барган өтө кылдат болуусу керек", — деп айтылат таратылган эскертүүдө.
Америкалыктарга биринчи иретте "Түркиянын түштүк-чыгыш бөлүгүнө, өзгөчө Сирия менен чектешкен райондорго барбай койгону жакшы" деген кеңеш берилген. Андан сырткары "эл көп чогулган жерлерден, анын ичинен туристтик жайлардан, саясий акцияга чогулгандардан" алыс болуу сунушу айтылган.
17-февралда жергиликтүү убакыт боюнча саат 18.31де Түркиянын парламенти менен Башкы штабынын аймагына жакын жерде болгон. Аскерлерди ташып келе жаткан транспорт колоннасы светофорго токтогон учурда жардыруучу зат коюлган автоунаа жарылып, анын кесепетинен 29 адам курман болгон. Андан сырткары 61 киши жаракат алган.
Анын эртеси, 18-февралда өлкөнүн Диярбакыр аймагында аскерлер жолдон өтүп бара жаткан учурда дагы бир автоунаа жарылып, жети жоокер курман болгон.
Түркиянын өкмөт башчысы Ахмет Давутоглу Анкарадагы жардырууну сириялык күрддөр жасады деп айткан, бирок, Сириядагы күрддөрдүн партиясынын лидери Салих Муслим бул күнөөнү четке каккан. Кийинчерээк, күрддөрдүн "Эркин Күрдстандын шумкарлары" жардырууну алар жасагандыгын билдиришкен.
