БИШКЕК, 29-фев. — Sputnik. Москва шаарынан төрт жаштагы кызды мыкаачылык менен өлтүргөн деп шектелген аял кармалды. Баланын сөөгү өрт чыккан батирден табылганын РИА Новости укук коргоо органдарын шилтеме берүү менен билдирди.
Шектелип жаткан аял бала багып иштечү.
"Октябрское поле" метросунун жанынан кылмышка шектүү бала багуучу аял кармалды", — деп укук коргоо органдарынан билдиришкен.
РЕН ТВ каналы билдиргендей, аял колуна кичинекей баланын кесилген башын колуна кармап алып, өзүн жардырам деп коркуткан. Коркуткан аялдын жанында чындап эле жардыруучу зат болуп-болбогону такталууда.
РИА Новости маалымат агенттигинин булагы берген маалыматка ылайык, кичинекей бала мыкаачылык менен өлтүрүлгөн. Алдын ала маалыматтар боюнча шектелген аял мындай кылмышка күйөөсү көзүнө чөп салгандыктан барган. Баланын энеси ээси ооп калгандыктан "тез жардам кызматы" алып кеткенин "Звезда" каналы билдирди.
Ал ортодо Россиянын тергөө комитети кармалган аялдын акыл-эси ордунда эмес болушу мүмкүн деген билдирүү таратты.
Кармалган аялга сот-психиатриалык экспертиза дайындалды.
Тергөөчүлөр иштин чоо-жайын териштирүүдө.
