Нарында бир жарым жашар наристе сабалып өлтүрүлдү

Жазылуу
Апасы баланы жеңесине убактылуу багып туруу үчүн таштап кеткен.

БИШКЕК, 14-фев. — Sputnik. Нарын районуна караштуу Учкун айылында 11-февралда кичинекей бала алган жаракаттан улам каза болгонун ИИМден билдиришти.

Төрөт үйүндөгү ымыркайлар. Архив - Sputnik Кыргызстан
Чүй облустук төрөт үйүндөгү эки өлүм үчүн акушер жумуштан алынды
Маалыматка ылайык, Нарын РИИБдин нөөмөт бөлүмүнө 2016 жылдын 12-февралында бир жарым жашар наристенин чарчап калгандыгы тууралуу арыз түшкөн. Ал жерде 38 жаштагы апасы 5-январда бир жарым жаштагы баласын 33 жаштагы жеңесине таштап, борборго иштегени кеткен. Жеңеси өз көрсөтмөсүндө ымыркай ыйлаганда аны чырпык менен сабап, жер сүздүргөн учурлар болгонун мойнуна алган.

11-февраль күнү бала эс-учун жоготкондуктан айылдык дарыгерди чакыртышкан. Дарыгер наристени карап, башынан жана денесинен күч колдонгон белгилер, ар кыл жараттар бар экенин аныктаган. Кийин кичинекей бала чарчап калган.

Бул факты боюнча Нарын РИИБи тарабынан Кылмыш жаза кодексинин 97-беренеси "Адам өлтүрүү" боюнча кылмыш иши козголду.

Жаңылыктар түрмөгү
0