БИШКЕК, 29-фев. — Sputnik. Баяман Эркинбаевди өлтүргөн Сабыркул Батыровдун өлүмүнүн бети ачылганын Жазаларды аткаруу мамлекеттик кызматынын маалымат кызматы билдирди.
19 Бирдин айы 2016, 08:32
Маалыматка ылайык, Жазаларды аткаруу мамлекеттик кызматы менен ИИМдин уюшкан кылмыштуулукка каршы күрөшүү башкы башкармалыгы 2011-жылы май айында түзөтүү колониясынан өлтүрүлгөн Сабыркул Батыровдун өлүмүнүн бетин ачышты.
ЖАМКтын маалыматына ылайык, Сабыркул Батыров Жогорку Кеңештин депутаты Баяман Эркинбаевди 2005-жылы 21-сентябрда өлтүргөндөрдүн бири болгон. Ал №19 түзөтүү колониясына камакка алынган болчу.
Сабыркул Батыровду өлтүрдү деп шектелген жаран СИЗО-50гө камакка алынып, тергөөнүн кызыкчылыгы үчүн анын аты аталбай турганын ЖАМКтан кошумчалашты.
Жогорку Кеңештин III чакырылышынын депутаты Баяман Эркинбаевди 2005-жылы 21-сентябрда Бишкек шаарынан атып кетишкен. Депутат алган жаракатынан окуя болгон жерде каза болгон.
