РФ Коргоо министрлиги: Сирияда көзөмөл кылуу үчүн учкучсуз башкарылган 70 учак колдонулат

Жазылуу
Yandex newsTelegram
Сириядагы россиялык "Хмеймим" авиабазасында түзүлгөн борбордун жетекчиси Кураленко Согуш отун токтотуу боюнча милдеттенмелерди толугу менен аткарып жаткандыгын айтты.

БИШКЕК, 28-фев — Sputnik. Сирияда согуш убактылуу токтотулган тынч абалга учкучсуз башкарылган 70 учак көзөмөл кылып турат. Бул туурасында Сириядагы россиялык "Хмеймим" авиабазасында түзүлгөн борбордун жетекчиси генерал-лейтенант Сергей Кураленко билдирди.

"Согуш отун токтотуу боюнча милдеттенмелерди толугу менен аткарып жатабыз", — деди Кураленко ишемби күнү болгон брифингде.

Бирок, генерал бул "Ислам мамлекети" жана "Жебхат ан- Нусра" радикалдык уюмдарынын согушкерлерине тиешелүү эмес экендигин айтты.

"Биз Сириянын аймагына толук көзөмөл кылып турабыз. Күн сайын көзөмөл кылуу үчүн учкучсуз башкарылган 70 учак колдонулат, андан сырткары космикалык жана чалгындоонун башка каражаттары колдонулат",— деп кошумчалады Кураленко.

Сирияда 2011-жылдын мартынан баштап согуш жүрүп, БУУнун маалыматы боюнча, анын кесепетин, 220 миңден ашуун адам каза болгон. Өкмөттүк күчтөргө ар кандай куралдуу уюшкан топторго тиешелүү согушкерлер каршылык көсөтүүдө. Эң эле жигердүүлөрүнөн болуп "Ислам мамлекети" менен "Жебхат ан-Нусра" террористтик топтору эсептелинет.

Жаңылыктар түрмөгү
0