БИШКЕК, 17-фев. — Sputnik. Кыргызстандын футзал боюнча курама командасы Азия чемпионатынын чейрек финалында Ирандын курамасы менен ойнойт.
Учурда футзал боюнча Азия биринчилиги Ташкент шаарында өтүүдө. Оюн Бишкек убактысы боюнча бүгүн 20:00до башталат.
Иран курама командасы Азиянын он жолку чемпиону жана үч жолу коло медалга татыган. Кыргызстан 2005-жылы футзал боюнча Азия биринчилигинде коло медалга тагыган.
КРдин Футбол федерациясы кабарлагандай, Иран курама командасынын капитаны Мохаммед Кешаварц алган жараатынан улам бул оюнга чыкпайт. Ирандыктар ак түстөгү форма кийсе, биздикилер кызыл түстөгү форма кийишет.
Мелдештеги алдыңкы беш команда 2016-жылы Колумбияда өтүүчү футзал боюнча дүйнө биринчилигине жолдомо алат.
