Москвадагы өрттөн 12 мигрант каза болду, арасында кыргызстандыктар болушу мүмкүн

© Sputnik / Владимир Астапкович / Медиабанкка өтүүӨрт өчүрүүчү унаалар.
Өрт өчүрүүчү унаалар. - Sputnik Кыргызстан
Жазылуу
Элчиликтин айтымында, учурда өрттөн каза болгондордун арасында кыргызстандыктардын бар жогу такталууда. Lifenews телеканалынын айтымында каза болгондордун арасында кыргызстандык жана өзбекстандык мигранттар бар.

БИШКЕК, 31 янв. — Sputnik. Москванын Стромынка көчөсүндө чыккан тилсиз жоодон Орто Азиядан барган 12 мигрант каза тапканын РИА Новости тергөөчүлөргө таянуу менен кабарлады. 

Тергөөнүн айтымында, 30 январь түнү, Стромынка көчөсүндө жайгашкан тигүү цехинде тилсиз жоо чыккан. Өрт үч миң квадрат метрди ээледи. 

Жолдун четинде токтоп турган унаа. Архив - Sputnik Кыргызстан
Словенияда өлкө тарыхындагы эң ири жол кырсыгы катталды
Өрт өчүрүлүгөндөн кийин он эки адамдын денеси табылды, арасында бир бөбөктүн денеси да бар. Lifenews телеканалынын айтымында каза болгондор кыргызстандык жана өзбекстандык мигранттар болушу мүмкүн. 

Sputnik Кыргызстан маалымат агенттигине КРдин элчилигинен учурда каза болгондорду тактап жаткандыгын билдиришти. 

Ал эми Москванын тергөө комитетинен учурда териштирүү иштери жүрүп жаткандыгын айтышты. 

"Каза болгондордун өздүгүн тактоо боюнча медициналык изилдөө жүргүзүлүп жатат" — дейт Москванын тергөө комитетинин маалымат катчысы Юлия Иванова.

Бул кырсык боюнча кылмыш иши козголуп, териштирүү иштери жүрүп жатат.

Жаңылыктар түрмөгү
0