Жарандар депутаттардан милицияны реформалоону талап кылууда

Жазылуу
Кайрылууга кол койгон эки миңден ашуун жаран милиция кызматын реформалоо боюнча өз көз караштары бар экенин айтууда.

БИШКЕК, 31-янв. — Sputnik. Жогорку Кеңештин депутаттарына өлкөнүн ички иштер органдарында реалдуу реформа жүргүзүүгө чакырган кайрылуу жолдонгонун "Реформа жана жыйынтык" ("За реформы и результат") жарандык бирикмеси билдирди.

Маалыматка ылайык, кайрылууга 2 миң 420 адам кол койгон.

"Биз, төмөндө кол койгондор сиздерди Кыргызстандагы милицияны реформалоо үчүн күч үрөөгө чакырабыз", — деп айтылат документте.

Кайрылгандар ички иштер органдарынын учурдагы абалы калктын бардык катмарынын кызыкчылыгына жооп бербей тургандыгы менен макул болуп, олуттуу өзгөрүүлөрдү талап кылууда.

Депутаттардан реформа жүргүзүү процессине парламенттик көзөмөл жасоо жана бир катар мыйзамдарды кабыл алуу күтүлүүдө.

"Өкмөт бирдиктүү кайгуул кызматын түзүп, "Коопсуз шаар" долбоорун ишке киргизип, ички иштер бөлүмдөрүн кылмыш милициясына жана коом коопсуздугуна көзөмөл кылган милицияга бөлүүнү жана ИИБ ишмердүүлүгүнө комплекстүү баа берүүнү улантууга сөз берип жатат. Айрым чаралар ишке ашты. Бирок аракеттерди андан ары да улантуу керек — реформа мамлекеттик багыттын негизинде комплекстүү болушу кажет", — деп айтылат кайрылууда.

Сунуштардын ичинде "Укук коргоо органдары жөнүндө" мыйзамына өзгөртүү киргизүү, милиция кызматкерлерине сынакты кеңейтүү, ИИМдин штаттык бирдигин жана каржылануусун кайра карап чыгуу сыяктуу так талаптар камтылган.

Жаңылыктар түрмөгү
0