БИШКЕК, 31-янв. — Sputnik. Кыргыз мамлекеттик дене тарбия жана спорт академиясында жеңил атлетика боюнча Кышкы чемпионат өткөрүлөт. Бул туурасында Жаштар, дене тарбия жана спорт боюнча мамлекеттик агенттиктин маалымат кызматынан кабарлашты.
Чемпионаттын максаты – өлкөдөгү жеңил атлетиканы өнүктүрүү, спорттун бул багыттаны бир нече түрлөрү боюнча курама команда даярдоо жана спортту жаштар арасында жайылтуу.
Таймашка курагы 18 жаштан кем эмес балдар-кыздар катыша алат. Алар спорттун алты түрү, андан сырткары секирүү жана ядро (металл шар) түртүү боюнча күч сынашат.
