БИШКЕК, 29-янв. — Sputnik. Кыргызстан жаштарынын ишке орношуусу талкууланган жыйын өтүп, ага билим берүү жана илим министри Элвира Сариева катышканын аталган мекеме билдирди.
Маалыматка ылайык, иш-чара жеке секторду билим берүү мекемелери менен өз ара аракеттенүүсү, стажировкалардын улуттук программасын уюштуруу боюнча жаңы идеяларды демилгелөө үчүн дискуссиялык аянтча болуп берди.
Тегерек столдун жүрүшүндө жаштардын ишке орношуусу үчүн квалификациялык кадрларга, алардын тажрыйбасына болгон суроо-талап маселелери талкууга алынды. Мындан тышкары, бүтүрүүчүлөргө кесип тандоо учурунда жардам бере турган стажировка программасын иштеп чыгуу зарылдыгы белгиленди.
Иш-чарага Мамлекеттик жаштар иши, дене тарбия жана спорт агенттиги, чакан жана орто бизнес ассоциациясы, эл аралык уюмдар катышты.
