БИШКЕК, 29-янв. — Sputnik. Премьер-министр Темир Сариевге Ички иштер министрлигине кызматка орноштуруу боюнча жардам сурагандар көп кайрыларын өкмөт башчы аталган мекеменин коллегиясынын отурумунда билдирди.
Ал өткөн жылы милиция кызматкерлерине 4 миңге чукул тартиптик чара көрүлгөнүн белгиледи. Бул бир жагынан көзөмөлдүн күчөтүлгөнүн көрсөтсө, экинчи тарабынан тарбиялык иштердин деңгээли төмөндөгөнүн айгинелейт.
"Мага тигил же бул кызматкерди жумушка дайындоо же иштен алуу боюнча ички иштер министрине айтып коюумду өтүнгөндөр көп кайрылат. Туугандык же достук мамилелер пайдаланылбашы керек. Бул жаатта кандай иштер болуп жатат?", — деп суроо салды Сариев министрдин биринчи орун басары Нурбай Касымбаевге.
Өз кезегинде ал мекемедеги дайындоолор эле эмес, кызматтык жогорулатуу да сынак негизинде жүрөрүн айтты.
"Сиздер мисалы, лейтенантка таза иштесең, кызматыңан жогорулайсың деп ачык эле айтышыңыздар керек", — деди Сариев.
Муну менен бирге өкмөт башчы Ички иштер министрлигинин башкы милдети — милициянын иш деңгээлин жогорулатуу экенин баса белгиледи.
