БИШКЕК, 24-янв — Sputnik. Казакстандын Жамбыл облусуна кулап түшкөн МИ-2 тик учагынын учкучу денеси күйүп ооруканага алып келингенин Новости-Казакстан маалымат агенттиги Казакстан ИИМдин өзгөчө кырдаалдар комитетинин расмий өкүлү Руслан Иманкуловго таянуу менен билдирди.
Маалыматтарга ылайык, кечээ, 23-январда кечки саат 20.08де Жамбыл районунун тургунунан 112 номерине учак кулап түшкөнү боюнча билдирүү келип түшкөн.
Кырсык болгон жер болжол менен райондун борборунан 100 чакырым жана Тараздан 220 чакырым алыс жерде болгон.
Издөө иштери жолдун жоктугунан жана түн кирип кеткендиктен оорлогон.
"Жана Алем Авиакомпаниясына" таандык МИ-2 тик учагы кулап түшкөн жерден жабыркагандар аныкталган эмес. Күбөлөрдүн жардамы менен учкуч Тараз шаарындагы №1 ооруканага алып келинген. Анын денеси күйгөн.
Кырсыктын чоо-жайы атайын комиссия аныктайт.
