БИШКЕК, 22-янв. – Sputnik. Россиянын ички иштер органынын кызматкерлери тарабынан издөөгө алынган 19 жаштагы улан Кыргызстандан табылды. Бул тууралуу Ички иштер министрлигинин маалымат кызматы билдирди.
Россиянын ИИМине 2015-жылдын сентябрь айында өлкөнүн жараны кайрылып, уулу үйдөн чыккан бойдон кайтып келбегенин айткан. Мындан улам, 8-сентябрдан тарта издөө иштери башталган.
11 Жетинин айы 2015, 17:51
Жоголгон жигит кыргыз улутунан болгондуктан Россиянын ИИМ кызматкерлери Кыргызстандагы кесиптештеринен жардам сураган. Жыйынтыгында, январь айында бала Чүй облусундагы аймактардын биринен табылган.
Такталган маалыматтар боюнча, ал атасы жашаган Россиянын Саха Республикасына конокко барган. Кийин, атасына кабарлабастан Кыргызстанга баса берген.
Табылган бала качып сурай келгенде себебин айта алган эмес.
Маалымат кызматы учурда ал Чүй облусунун аймагындагы мектептердин биринде билим алып жаткандыгын кошумчалады.
