Иши — каза болгондорду жашыруу үчүн жер сурап келгендерди тейлөө, маркумга көр казууну уюштуруу, арбактарга куран түшүрүү.
Чуруков өзүн шайх деп атайт, ал үчүн көрүстөндөн өткөн тынч жана баалуу жер жок.
"Бул жерде турганыма 18 жыл болду. Мен үчүн бул аймактан таза жер жок. Башкалардын байлыгы, бул мүрзөлөрдүн сыртында, башка жашоодо болсо, менин байлыгым дал ушул мүрзөлөр турган аймакта",— дейт Чуруков.
Ал тирөөлөр эмнеден улам өлүктөрдөн коркоорун түшүнбөйт.
"Кайсы бир адамдар мүрзөдөн, өлгөндөрдөн коркот экен. Алардан коркчу эч нерсе жок. Өлгөндөрдөн эмес, тирүүлөрдөн коркуш керек", — деген ишенимде.
Аймактын күзөтчүсү маркумдардын жакындарынын мүрзөгө гүл көтөрүп келишин жактыра бербейт экен.
"Мүрзөлөргө көп кишилер келет. Жакындары, бала чакасы зыярат кылганда, жасалма гүлдөрдү алып келбесе дээр элем. Алардын убакыт өткөндөн кийин желим орогучтары менен кошулуп, таштандыга айлангандан башка пайдасы жок", — деди ал.
Кенже кызы Гүзал аймактын тынч экендигин, бул жерден ойногондон коркпой тургандыгын, атасы маркумдарга куран түшүрүп турарын айтып берди. Ал эми небереси Абдусаит кечинде деле эшикке чочулабай чыга берерин кошумчалады.
