БИШКЕК, 18-янв. — Sputnik. Өгөй атасынын кордугуна кабылып, энеси өлгөндөн кийин цыгандарга орган трансплантациялоо үчүн сатылып кеткен россиялык эки баланын жакындары аларды өздөрүнүн үй-бүлөсүнө алуу ниетин билдирди. Бул тууралуу Россия президентинин алдындагы балдар укугу боюнча өкүлү Павел Астахов билдирди.
"Биз бир нече мекемеде балдардын тагдырын талкууладык. Аларды алууга бир катар туугандары калоосун билдирди. Баары жакшы болот деген ишеним бар", — деди Астахов дүйшөмбү күнү журналисттерге.
Ал балдардын орун-очок алуусу боюнча абалды толугу менен региондун губернатору Владимир Городецкий көзөмөлдөп жатканын кошумчалады.
"Окуянын аягы кандай коркунучтуу бүтөрү белгисиз эле. Биз азырынча ал нерсени кабыл ала албай жатабыз. Балдарды органга сатып жиберген тири шумдук окуяларды айтып, угуп эле жүрөбүз. Ал эми бул конкреттүү учур, балдар аз эле жерден калышты", — деди балдар акыйкатчысы.
Буга чейин Новосибирск облусунун Социалдык өнүгүү министрлиги балдардын таежеси Новосибирскиде, улуу таякеси Кыргызстанда, ал эми таенесинин бир тууганы Германияда жашай турганын маалымдаган. Бирок туугандар 10 жыл бою балдардын энеси менен катташпагандыктан, балдар аларды тааныбай тургандыктарын айтышкан.
