БИШКЕК, 6-янв. — Sputnik. Бишкек шаарындагы жеке клиникалардын биринде 31-декабрда 53 жаштагы аял үч эм төрөдү. Бул тууралуу жеке клиниканын жетекчиси Гүлнара Асымбекова Sputnik Кыргызстан маалымат агенттигине билдирди.
"31-декабрда биздин клиникада 53 жаштагы аял көз жарып, үч эмди жарык дүйнөгө алып келди. Азыр балдардын жана эненин абалы жакшы", — деди ал.
Асымбекова анын тажрыйбасында 45, 47 жаштагы аялдар да көз жарган учурлар болгон, бирок, 53 жаштагы аялдын төрөшү биринчи болуп жатканын айтат.
"Медициналык жактан аялдар үчүн балалуу болуу жашы 35 жашка чейин деп айтылат. Бирок, бул жаштан кийин такыр эле төрөгөнгө болбойт деген тыюу салуу жок. Биз 40 жаштан өткөн аялдардын да төрөтүн кабыл алган учурлар болот", — дейт ал.
Белгилей кетсек, ноябрь айында Кыргызстандыктардын саны 6 миллионго жеткен. Алты миллионунчу жаран Ош шаарынын тургуну Алмазбек Кожошевдин үй-бүлөсүндө төрөлгөн.
