БИШКЕК, 29-дек. — Sputnik. Каракол шаарында Калкты тейлөө борбору ачылганын Мамлекеттик каттоо кызматы билдирди.
Маалыматка ылайык, аталган борбор заманбап технология менен жабдылып, паспорт жана башка документтерди алууга маалымдамаларды кабыл алып, каттоо жана каттоодон чыгаруу, аты-жөнүн өзгөртүү, никеге туруу, ажырашуу кызматтарын көрсөтөт.
Мындан тышкары, эми Ысык-Көлдүн тургундары 2, 4 жана 8 күндүн аралыгында паспорт алуу мүмкүнчүлүгүнө ээ болушту.
"Калкты тейлөө борборунун жаңы модели тейлөө кызматынын сапатын жакшыртат", — деп айтылат билдирүүдө.
Эскерте кетсек, Бишкекте эң ири Калкты тейлөө борбору 19-декабрда, ал эми 24-декабрда ушундай эле борбор Баткенде ачылган.
