БИШКЕК, 29-дек. — Sputnik. Майрам түнү Кыргызстанда кар жаап, же өтө күн суук аба ырайы күтүлбөйт жана —1…-6 градус суук болот. Бул тууралуу "Кыргызгидрометти" метеобожомол боюнча башкы адиси Уулкан Суеркулова Sputnik Кыргызстан маалымат агенттигине билдирди.
Анын айтымында, Бишкек шаарында жана түштүк аймакта күн +5…+10 градуска чейин жылуу болот.
"Майрам түнү кар Баткен, Жалал-Абад, Ош облустарынын айрым аймактарына жаайт", — деди Суеркулова.
Ал эми 1-январда күндүз +5 градуска чейин жылыйт, ал эми түндө —6…-12 градуска чейин суук болот.
Быйыл 31-декабрда рекорддук көрсөткүчтөр катталбай турганын Суеркулова кошумчалады.
Белгилей кетсек, 1954-жылы 31-декабрда —25,5 градус суук болсо, 2001-жылы майрам түнү аба ырайы +14,3 градус жылуу болгон.
