БИШКЕК, 29-дек. — Sputnik. Бишкектин Биринчи Май райондук администрациясы 1130 балага жаңы жылдык оюн-зоок өткөргөнүн мэрия билдирди.
Маалыматка ылайык, майрамдык кече Токтоболот Абдымомунов атындагы кыргыз академиялык драма театрында аз камсыз болгон үй-бүлөлөрдүн, Социалдык өнүгүү башкармалыгынын көзөмөлүндө турган жана "Оберег" реабилитациялык борборунун балдары үчүн өттү.
Майрам Аяз ата, Аяз кыз жана жомок каармандарынын оюн-зоогу менен коштолуп, бөбөктөргө белек-бечкектер тапшырылды.
Жаңы жылдын иш-чарага райондун бюджетинен 439,4 миң сом бөлүнгөн.
