Бешинчи жолу өткөрүлүп жаткан турнирге Кыргызстан, Тажикстан жана Өзбекстандан 150дөн ашык спортчулар катышып жатат.
БИШКЕК, 27-дек. — Sputnik. Ош шаарында 26-27-күндөрү "Алыш" спорт комплексинде грек-рим күрөшү боюнча бешинчи эл аралык турнир өтүүдө. Бул мелдеш Жогорку Кеңештин мурдагы депутаты Баяман Эркинбаевдин жаркын элесине арналганын Ош шаардык мэриясынын дене тарбия жана спорт комитетинин өкүлү Фарух Сыдыков билдирди.
Турнирди Ош шаардык мэриясынын дене тарбия жана спорт комитети уюштурган.
Мелдешке Кыргызстан, Тажикстан жана Өзбекстандан келген 150дөн ашык спортчулар келди.
"Жыл сайын бул мелдешке катышуу үчүн коңшу мамлекеттердин спортчуларын чакырганбыз. Быйылкы турнирге 45 килограммдан 95 килограммга чейинки салмактык категория боюнча балбандар күч сынашууда. Жеңүүчүлөр баалуу сыйлыктар жана Ардак грамоталар менен сыйланат", — дейт Сыдыков.
Турнирди Ош шаардык мэриясынын дене тарбия жана спорт комитети уюштурган.
