БИШКЕК, 27-дек. — Sputnik. Кыргыз тилдүү Википедияда (Уикипедия) бир жыл ичинде жайгаштырылган макалалардын саны эки эсе көбөйгөн.
Кыргыз тилиндеги бөлүмү 2002-жылы 3-июнда ачылган. Уикипедия 2012-жылдан тарта активдүү толуктала баштаган.
26-декабрга карата аталган ресурста 53 миң макала жайгаштырылган. Жыл башында бул көрсөткүч 27,5 миңдин тегерегинде эле. Эсептей келгенде, жайгаштырылган макалалардын саны эки эсеге өскөн.
2010-жылдан тарта ресурс акырындап толуктала баштаган. 2010-жылы 2 миң макала болсо, 2012-жылдын аягында 21 миңге жеткен.
