БИШКЕК, 24-дек. — Sputnik. Быйыл жыл башынан бери мамлекеттик тилди өнүктүрүүнүн Улуттук программасынын алкагында 60ка жакын тил жана адабият багытындагы китеп жарыкка чыкканын аталган мекеме билдирди.
Академиянын вице-президенти Абдылдажан Акматалиевдин айтымында, китептердин чыгышына каражатты өкмөт бөлүп берген.
"30 миллиондук китепти тендер аркылуу жарыяладык. Азыр тендерди утуп алган басмалар өз иштерин жыйынтыктап калды. Албетте, айрым китептер мурун жарык көргөн, бирок аз нускада эле чыгып, керектөөчүлөргө жетпей калган, ошол китептер кайрадан кошумчаланып, такталып жарык көрдү", — деди илимпоз.
Акматалиев тил жана адабият багытында китеп чыгаруу 2016-жылы да улана турганын белгиледи.
