БИШКЕК, 17-дек. — Sputnik. АКШ сириялык оппозицияга "Ислам мамлекетинин" колунда турган Эш-Шаддад шаарын алууга жасай турган соккунун алдында ок-дарыларды жеткирип берди. Бул туурасында Рейтер агенттиги америкалык бийликке таянып маалымдады.
Ок-дарылар өлкөнүн түндүк-чыгышында жайгашкан стратегиялык мааниси бар шаар — Эш-Шаддадды алууга оппозиция өкүлдөрүнө тапшырылган. Агенттиктин булагынын маалыматында, бул арабдардын АКШдан октябрь айынан бери алган ок-дарыларынын үчүнчү партиясы.
Ал кандай түрдөгү ок-дарылар экендигин агенттик так билдирген эмес.
Сирияда 2011-жылдын март айынан бери болуп келе жаткан куралдуу кагылыштан 220 миң адам каза болгондугун Бириккен улуттар уюму билдирген. Ар кыл топтордон куралган куралдуу согушкерлердин отряддарды өкмөттүк аскерлерге каршы согушуп келет. Алардын арасында активдүүлөрү "Ислам мамлекети" жана "Жебхат ан-Нусра" экстремисттик топторунун согушкерлери.
