ЧЖЭНЧЖОУ, 15-дек. — Sputnik. Премьер-министр Темир Сариев Шанхай кызматташтык уюмундагы кесиптештерин 2016-жылы кийинки жыйын өтө турган Кыргызстанга чакырды.
Учурда ШКУ өкмөт башчыларынын жыйыны Кытайдын Чжэнчжоу шаарында өттү. Кыргызстандын өкмөт башчысы Темир Сариев Кытайга кечээ расмий сапар менен келди.
15 Бештин айы 2015, 11:03
Премьер-министрдин айтымында, Кыргызстан ШКУга төрагалык кылып турган учурда соода-экономикалык жана маданий-гуманитардык багыттагы аймактык кызматташууга өзгөчө басым жасайт.
Мындан тышкары, Сариев уюм мүчөлүгүнө Индия менен Пакистанды кабыл алуу продедурасынын башталышын Кыргызстандын колдой турганын белгилеп, мындай кадам ШКУнун экономикалык потенциалын күчөтүүгө аракет болорун кошумчалады.
Шанхай кызматташуу уюмуна Россия, Кытай, Казакстан, Кыргызстан, Тажикстан жана Өзбекстан мамлекеттери кирет. Ал эми байкоочу катары Афганистан, Индия, Иран, Монголия жана Пакистан өлкөлөрү чакырылган.
