БИШКЕК, 9-дек. — Sputnik. Үстүбүздөгү жылдын октябрь айында №50 түрмөдөн качып чыккан кылмышкерлердин бири Эдил Абдрахмановдун операциясын Эл аралык Кызыл крест комитети каржылай турганын Жазаларды аткаруу мамлекеттик кызматы билдирди.
Абдрахманов Эдил Алимжанович
© пресс-служба ГСИН КР
Маалыматка ылайык, түрмөдөн качып чыккан төрт кылмышкердин бешөө ошол эле түнү кармалып , төртөө из суутуп кеткен. Качкын кылмышкер Эдил Абдырахманов "Ала-Тоо" айылынын участкалык милиция кызматкери тарабынан кармалган. Милиция кызматкерлеринен талааны көздөй качканда милиция аны бутка атып жарадар кылган.
Алгач Абдрахманов Чүй облустук ооруканасына жеткирилип, андан кийин №47 түзөтүү колониясынын ооруканасына которулган.
Кызыл крест комитетинин жетекчиси Стефан Жакье оорукананы кыдырып чыгып, миссия Абдрахманов менен бирге дагы бир бейтаптын операциясын каржылоону чечкенин билдирди.
Азырынча сарптала турган каражаттын көлөмү аныктала элек.
