БИШКЕК, 22-окт. — Sputnik. Качкын кылмышкер Эдил Абдырахмановду "Ала-Тоо" айылынын участкалык милиция кызматкери кармаганын ИИМ билдирди.
Маалыматка ылайык, алар совхоздун көчөлөрүнүн биринен шектүү адамды байкап калышкан. Токтотууга аракет кылганда Абдырахманов талааны көздөй качып жөнөгөн. Милиция кызматкерлери аны бутка аткан.
Окуя болгон жерге ИИМ кызматкерлери келишкен. Кармалган адамдын жанынан тапанча табылып, азырынча анын ок атуучу курал же муляж экени такталууда.
Эркиндикте жүргөн акыркы кылмышкер Алтынбек Итибаев учурда Сокулук районунун Жаңы-Жер айылында изделүүдө.
Качкан кылмышкерлердин бешөө ошол эле түнү кармалып, төртөө из суутканга үлгүргөн. Атайы операциянын натыйжасында алардын экөө жок кылынды. Ал эми түрмөгө кайтарылган кылмышкерлердин үчөө ооруканадан үч күндүн ичинде каза болушту.
Качкын кылмышкерлер тууралуу маалымат үчүн УКМК 300 миң, ал эми ИИМ 1 миллион сом сыйлык жарыялаган.
