БИШКЕК, 9-дек. — Sputnik. Улуу жазуучу Чыңгыз Айтматовдун туулган күнүнө карата Бишкекте эл аралык иш-чара өтөт. Бул туурасында ТИМдин маалымат кызматынан билдиришти.
Иш-чара "Чыңгыз Айтматов жана дипломатия" деп аталат. Жазуучунун дипломатиялык ишмердүүлүгүн эскерүүгө анын жакын досу, санаалашы, калемдеши, Кыргызстан менен Казакстандын эл акыны Мухтар Шаханов келет. Андан сырткары Белоруссиянын КРдеги элчиси, кыргыз дипломатиясынын ардагерлери, ТИМдин кызматкерлери катышат.
Иш-чарада жазуучунун досу, акын Шахановго "Тилекмат аке" төш белгиси тапшырылмакчы.
