БИШКЕК, 7-дек. — Sputnik. Бүгүнтөн баштап Кыргызстанда бензинге болгон баа арзандаганын Нефтетрейдерлер ассоциациясы билдирди.
Маалыматка ылайык, АИ-92 маркасындагы бензин республиканын түндүк аймагында 0,5 сомго арзандаса, түштүктө дээрлик 1 сомго төмөндөдү. Ал эми АИ-95 маркасындагы майдын баасы Кыргызстандын бардык булуң-бурчунда 1 сомго түштү.
Ассоциация күйүүчү майга болгон баанын арзандашына Россиядагы нефть иштетүүчү заводдордогу нарктын мезгилдик өзгөрүүсү таасир этип жатканын белгилейт. Учурда россиялык ишканалардын күзгү оңдоо иштери аяктагандан кийин рынокто сунуш көбөйгөнү байкалууда.
