БИШКЕК, 5-дек. — Sputnik. Бишкек мэриясынын жеке турак-жай курулуш департаменти Достоевский менен Кожомкул көчөлөрүнүн кесилишине өзүм билемдик менен жерди басып алып, там салган фактыны аныктады. Бул тууралуу мэриянын маалымат кызматы билдирди.
27 Тогуздун айы 2015, 12:09
Тамдын жерпайды жогорку чыңалуудагы электр зымдары өткөн корголгон аймактын ичине түптөлгөн.
Жерпайды курган Мамытовго тийиштүү органдар тарабынан эскертүү берилгенине карабастан ал салган курулушун бузуп, тилкени тазалаган эмес. Ага 10 миң сом өлчөмүндө айып салынган.
Кылмыш жоопкерчилигине тартуу үчүн материалдар Октябрь РИИБине жөнөтүлдү. Октябрь райондук соту Мамытовду Кылмыш жаза кодексинин 172-беренеси (өзүм билемдик менен жер басып алуу) боюнча күнөөлүү деп тапкан.
