БИШКЕК, 5-дек. — Sputnik. Темир Сариев Кемин районундагы Жол-Булак айылындагы орто мектептин жаңы имаратынын ачылышына катышып, жергиликтүү тургундар менен жолукту. Бул тууралуу өкмөттүн маалымат кызматы билдирди.
Премьер билим берүү мекемесинин ачылышы маанилүү окуя экенин белгиледи. Себеби, замандын, жашоонун ылдамдыгы абдан тездик менен ɵзгɵрүлүп жатканын билдирди.
"Мындай учурда сапаттуу билимге ээ болгон адам гана турмуштан ɵз ордун таба алат. Бул талаптарга жооп берген адисттерди даярдашыбыз керек. Ошондуктан, мамлекет жана ɵкмɵт билим берүүгɵ шарт түзүүгɵ кɵңүл буруп, аракет кɵрүүдɵ. Биз ɵз жарандарыбызга сапаттуу билим, татыктуу тарбия берүү менен кубаттуу мамлекет кура алабыз", – деди Сариев.
Премьер-министр келечек муунга татыктуу тарбия берүүдɵ мамлекет менен катар ата-энелердин жоопкерчилиги чоң экенин билдирип, бул жоопкерчиликти татыктуу аткарууга чакырды.
Жол-Булак айылындагы 225 орундуу орто мектеп республикалык бюджеттин эсебинен курулду. Аны курууга бюджеттен 75 миллион сом бɵлүнгɵн.
