БИШКЕК, 4-дек. — Sputnik. Европадагы коопсуздук жана кызматташуу уюму аймагындагы трансулттук коопсуздукка коркунуч жараткан терроризм жана экстремизмге каршы уюмга мүчө мамлекеттер биргеликте аракеттениши керек экенин ТИМ башчысы Эрлан Абдылдаев ЕККУнун тышкы иштер министрлеринин 22-жыйынында билдирди.
Абдылдаев өз сөзүндө Кыргызстанда өткөн акыркы парламенттик шайлоо тууралуу айтып, эл аралык байкоочулардын жогорку баасына татыганын белгиледи. Муну менен бирге ал Кыргызстан жана жалпы Борбордук Азия аймагына коркунуч туудурган эл аралык терроризм жана экстремизм маселесине көпчүлүктүн көөнүн бурду.
Мындан тышкары, Абдылдаев ЕККУнун коопсуздук жана кызматташуунун маанилүү маселелери боюнча натыйжалуу чечим кабыл алууга жөндөмдүү уюм катары позициясын бекемдөөсү зарыл экенин кошумчалады.
Тышкы иштер министрлеринин кезектеги жыйыны бүгүн, 4-октябрь күнү аяктайт.
