БИШКЕК, 29-ноя. — Sputnik. Кыргызстанда он жылдын ичинде кургак учук илдетине каршы күрөшүүнүн жаңы модели иштелип чыга турганын "Ден соолук" улуттук программасын ишке ашырууга арналган жыйында белгилүү болду.
Маалыматка ылайык, беш күнгө созулган жыйын Саламаттык сактоо маселелери талкууланган XVII саммит менен аяктады.
Жыйында Глобалдуу фонд тарабынан 19,7 миллион доллардын бөлүнүшүн, диагностиканын сапатын жакшыртуу үчүн кошумча 1 миллион доллар каралганын, биринчи кезектеги дары-дармектерди сатып алуу үчүн мамлекет тарабынан 30 миллион сомдун бөлүнүшү, түрмөдөгү кургак учук менен жабыркаган бейтаптар үчүн өзүнчө имараттын курулушу жыл башынан берки катары бааланды.
Мындан тышкары, он жылдын аралыгында өлкөдө кургак учук илдетине каршы күрөшүүнүн жаңы модели иштелип, тейлөөнүн сапатын арттыруу максатында кургак учук стационарларын реструктуризациялоо, лабораториялык кызматтын ишин жакшыртуу зарылдыгы белгиленди.
