БИШКЕК, 26-ноя. — Sputnik. Иркутск облусунда эки микроавтобус кагылышкан кырсыктан Кыргызстанда туулган жети адам каза болгонун аталган облус боюнча ИИМ билдирди.
Жол кырсыгы М-53 унаа жолунунун 1418-чакырымында Нижнеудинсктен 40 чакырым алыстыкта болгон. Анда "Тойота Хайс" менен "Санг Янг Истана" микроавтобустар бетме-бет сүзүшүп кеткен.
"Жети адам каза болду, экөөсү ооруканада. Көз жумгандардын баары Россиянын жарандыгын алган кыргыздар экени белгилүү болду", — деп айтылат билдирүүдө.
"Тойота" унаасын 48 жаштагы Абдусалам Гафуров, ал эми "Санг Йонганы" Чунский айылынын жашоочусу 43 жаштагы Жеңишбек Кадыров башкарып келе жаткан.
Алдын ала маалымат боюнча, кырсыкка "Тойота" бусунун карама-каршы тилкеге чыгуусу себеп болгон. Учурда тактоо иштери жүрүп жатат.
