БИШКЕК, 24-ноя. – Sputnik. Американын президенти Барак Обама француз кесиптеши Франсуа Олланд менен шейшембиде жолукканда терроризмге каршы бирге күрөшүү маселеси гана талкууланбайт. Обама Россияга карата Олланд саясатын жумшартпашы үчүн болгон аракетин жасайт деп жазат Politico басылмасы.
"Украина маселеси менен Сириядагы абалдын ортосунда эч байланышты көргүбүз келбейт", — деди улуттук коопсуздук боюнча кеңешчинин орун басары Бен Родс. Бирок Обаманын атка минерлери Олланддын оюнда эмне бар экенин билишпейт. Москвага каршы санкциядан кийин ишкерлери чыгашага учурап жаткан француз лидери акыркы жумаларда чектөөлөрдү алып салуу мүмкүнчүлүгү жөнүндө ишеничтүү маанайда айтып калды деп жазылат макалада.
Politico 13-ноябрда Парижде болгон терактыларга байланыштуу Москва менен кызматташууну кеңейтиши да Вашингтон үчүн түшүнүксүз болду болгондугун маалымдайт.
"Айрыкча, Обама Париждеги окуялар АКШнын Сириядагы стратегиясын кайра кароого негиз болбойт деп билдиргенден кийин француздарды Россия менен кызматташуу мүмкүнчүлүгүн карап жатканы үчүн доомат коюуга болбойт деп ойлойм. Орустар жөнүндө эмне ойлобогула, баары бир алар терроризмге каршы күрөштө алгылыктуу иш жасай ала турган жана жасагысы келген жалгыз эл", — деди Франциянын Тышкы иштер министрлигинин мурдагы кызматкери Симон де Гальбер. Олланд да ушул ойду кыйытууда. Терактылардан кийин Парижде сүйлөгөн сөзүндө ал Сириянын радикалду утопторуна каршы күрөштө "бирдиктүү ири коалиция" түзүүгө чакырган.
"Дал ушундай максат менен күч-аракеттерди кошуп, көптөн бери улам кийинкиге жылдырылып келе жаткан натыйжаларга жетиш үчүн, мен жакынкы күндөрү Обамага жана Путинге жолугам", — деген ал.
Басылманын бул макаласы көптөр үчүн жаңы талкууга жем таштады.
