БИШКЕК, 20-ноя. — Sputnik. Футзал боюнча 2016-жылы өтө турганы Азия чемпионатынын финалдык бөлүгүндө ат салыша турган командалар белгилүү болгонун Футбол федерациясы билдирди.
Азия чемпионаты Өзбекстандын Ташкент шаарында 10-21-февраль күндөрү өтөт.
Чыгыш тандоо аймагында чемпионатка жолдомо утуп алган Кытай менен Кытай Тайбейинин курама командалары мелдешке катыша турган акыркы командалар болуп калды.
Чүчү кулак кармоо Ташкентте 2-декабрь күнү өтөт. Кыргызстандык команда Кытай, Малайзия жана Кытай Тайбейинин командалары менен бир тайпада болот. Улуттук команда аталган өлкөлөрдүн футзалчылары менен талаага чыкпайт.
Тайпалар төмөнкүдөй түзүлдү:
- 1-тайпа: Өзбекстан, Япония, Иран, Таиланд;
- 2-тайпа: Австралия, Ливан, Вьетнам, Ирак;
- 3-тайпа: Кыргызстан, Кытай Тайбейи, Малайзия, Кытай;
- 4-тайпа: Тажикстан, Катар, Иордания, Сауд Аравиясы.
Атаандаштардын так тизмеси 2-декабрь күнү өтө турган чүчү кулактын негизинде аныкталат. Учурда футзал боюнча Азия чемпиону болуп Япония эсептелет.
