БИШКЕК, 20-ноя. — Sputnik. Бүгүн эртең менен тергөө абагынын медициналык бөлүгүнүн палатасында №50 түрмөсүнүн мурунку жетекчиси Иманкул Телтаев асынып калганын ЖАМК билдирди.
Ал 11-ноябрь күнү аталган түрмөдөн качып чыккан кылмышкерлердин иши боюнча кармалып, камакка алынган.
Бывший начальник СИЗО-50 Иманкул Тельтаев
© пресс-служба ГСИН при Правительстве КР
Маалыматка ылайык, Телтаевдин жансыз денесин нөөмөтчү биринчи болуп аныктаган. Камакка алынгандан кийин Телтаев ден соолугу начарлап жатканын билдирип, ооруканага жаткырылган. Ал палатада жалгыз дарыланып жатканы айтылууда.
Үстүбүздөгү жылдын 11-октябрынан 12сине караган түнү 50-тергөө абагынан ЖАМКтын үч кызматкерин өлтүрүп, тогуз кылмышкер качып чыгышкан. Дагы бир жарадар болгон офицер ооруканада беш күндөн кийин каза болгон. Качкындардын бешөө ошол эле түнү кармалып, төртөө из суутуп кетүүгө үлгүргөн.
Кийин үчөө кармоо учурунда каршылык көрсөткөнү үчүн өлтүрүлгөн. Дагы бири кармалып, түрмөгө кайтарылган.
