БИШКЕК, 11-ноя. — Sputnik. Социалдык фонддун Кара-Суу райондук башкармалыгынын кызматкерлери жети миң сом пара алып жаткан жеринен кармалганын ИИМ билдирди.
Маалыматка ылайык, аталган кызматкерлер ири суммадагы социалдык төлөмдү жоюу максатында карызы бар адамдан пара талап кылышкан.
Бул боюнча кылмыш иши козголуп, "Тураталы" базарынын жанынан башкармалыктын кызматкери жардамчысы менен бирге акча алып жаткан жеринен колго түшүрүлгөн.
Учурда кармалган жарандар убактылуу кармоочу жайга киргизилип, тергөө иштери башталды.
