Атамбаев: Абэнин сапары КР менен Япониянын мамилесин жаңы деңгээлге көтөрөрүнө ишенем

© Sputnik / Табылды КадырбековЯпония премьер-министри Синдзо Абэ жана Кыргыз Республикасынын президенти Алмазбек Атамбаев.
Япония премьер-министри Синдзо Абэ жана Кыргыз Республикасынын президенти Алмазбек Атамбаев. - Sputnik Кыргызстан
Жазылуу
НовостиTelegram
Япониянын премьер-министри аны менен биргелешкен долбоорлорду ишке ашырууга ишеним арткан бизнес өкүлдөрү келгенин белгиледи.

БИШКЕК, 26-окт. — Sputnik. Япониянын премьер-министри Синдзо Абэнин Кыргызстанга болгон алгачкы сапары эки тараптуу мамилени кызматташуунун жаңы деңгээлине чыгарууга жардам берет деп билдирди президент Алмазбек Атамбаев өкмөт башчы менен жолугуп жатып.

Сариев менен Абэ апрель революциясынын курмандыктарын эскеришет
Абэнин Кыргызстанга болгон расмий сапары анын Борбордук Азия мамлекеттерин кыдыруусунун алкагында өтүүдө. Япониянын премьер-министрин кыргыз кесиптештери менен сүйлөшүүлөрдү жүргүзүү үчүн келген бизнес өкүлдөрү коштоп жүрөт. 

Атамбаевдин айтымында, ал ушу кезге чейин 2013-жылы Японияга барып, бир катар келишимдерге кол коюлган сапарын жылуу маанай менен эскерип келет. Өлкө башчы япон эли тартуулаган белекти да унутпай жүргөнүн белгилеп өттү.

"Ал сапардан сакуранын бир нече көчөтүн ала келгем, алар өзүнчө аллеяга тигилди. Бир нечеси менин бакчамда да өсүп турат", — деди Атамбаев.

Япониянын өкмөт башчысынын учагына кыргыз кызынын сүрөтү түшүрүлгөн
Мамлекет жетекчиси эки өлкөнүн өз ара кызматташуусу мындан ары да өнүгүп, макулдашылган келишимдер ишке ашарына ишенерин билдирди.

Президент Абэни Япониянын премьер-министрлигине кайра шайланышы менен куттуктады.

Өз кезегинде Абэ Атамбаевди парламенттик шайлоонун сапаттуу өткөрүлүшү менен куттуктап өттү.

"Бул чынында демократиялык шайлоо болду. Мындай ийгиликке салымыбыз бар экенине кубанычтамын. Япония сиздерде өткөн парламенттик шайлоого жогорку баа берилди", — деди өкмөт башчы.

Абэ аны менен биргелешкен долбоорлорду ишке ашырууга ишеним арткан бизнес өкүлдөрү келгенин белгиледи.

Жаңылыктар түрмөгү
0