БИШКЕК, 22-окт. — Sputnik. Борбор Азия мамлекеттеринин улуттук кийимин кийген кыздардын анимэ стилиндеги сүрөтү Япониянын премьер-министри Синдзо Абэнин учагында жайгаштырылганын өкмөт башчынын глобалдуу коммуникациялар боюнча директору Кенко Сон өзүнүн Twitter баракчасына жазган.
PM Abe will soon leave for #Mongolia and 5 Central Asian countries #AbeVisit pic.twitter.com/iw3TmRfz1p
— Kenko SONE (@KenkoSone) 21 октября 2015
Япониянын премьер-министри 22-28-октябрь күндөрү Борбор Азия мамлекеттерин кыдырып чыкмакчы. Абэ бүгүн Монголияга келди. Иш сапарынын алкагында өкмөт башчы Кыргызстан, Тажикстан, Түркмөнстан жана Өзбекстанга келиши күтүлүүдө. Кыргызстанга Абэ президент Алмазбек Атамбаевдин чакыруусу менен 26-октябрда келет.
Буга чейин Синдзо Абэ Борбор Азия мамлекеттерин август айында кыдырууну пландаган, бирок иши көп болгондуктан, иш сапары октябрь айына жылдырылган.
