БИШКЕК, 22-окт. — Sputnik. Борбор калаанын "Достук" кичи районунда түрмөдөн качкан Алтынбек Итибаевди кармоо боюнча атайын операцияда аны менен кошо жанындагы эки шериги жок кылынышы мүмкүндүгүн Sputnik маалымат агенттигинине ИИМдин өкүлү билдирди.
"Анын жанындагы эки шериги, Итибаевди кошкондо үч кылмышкер жок кылынды",— деди ИИМ өкүлү.
Жаңы эле аяктаган атайын операцияда Алтынбек Итибаев жок кылынды.
Өткөн аптанын башында 50-түрмөдөн тогуз кылмышкер ЖАМКтын үч кызматкерин өлтүрүп, дагы бири оор жарадар кылып качып чыгышкан. Ооруканага жеткирилген офицер беш күндөн кийин эсине келбей каза болгон.
Качкан кылмышкерлердин бешөө ошол эле түнү кармалып, төртөө из суутканга үлгүргөн. Атайы операциянын натыйжасында алардын экөө жок кылынды. Дагы бири — Эдил Абдырахманов бүгүн "Ала-Тоо" айылынан кармалган. Ал эми түрмөгө кайтарылган кылмышкерлердин үчөө ооруканадан үч күндүн ичинде каза болду.
Издөөдө Итибаев жалгыз калган эле.
