БИШКЕК, 22-окт. — Sputnik. Түрмөдөн качып чыккан 29 жаштагы Эдил Абдырахманов "Ала-Тоо" айылында кармалганын ИИМ билдирди.
Буга чейин анын "Туңгуч" кичирайонунда байкалганын, аймак курчоого алынып тинтүү иштери жүрүп жатканы маалымдалган.
Өткөн аптанын башында Төмөнкү Нооруз айылында жайгашкан 50-түрмөдөн тогуз кылмышкер качып чыккан. Аларды токтотууга аракет кылган ЖАМКтын үч кызматкери өлтүрүлүп, дагы бири оор жарадар болгон. Ал беш күндөн кийин ооруканада эсине келбей жатып көз жумган.
Абдрахманов Эдил Алимжанович
© пресс-служба ГСИН КР
Учурда түрмөдөн качып чыккан кылмышкердин бири Алтынбек Итибаев эркиндикте жүрөт.
