БИШКЕК, 22-окт. — Sputnik. Качкын кылмышкерлердин бири 29 жаштагы Эдил Абдырахманов "Туңгуч" кичи районунун жогору жагынан байкалганын ИИМ билдирди.
Абдрахманов Эдил Алимжанович
© пресс-служба ГСИН КР
Учурда аталган аймак курчоого алынганы маалымдалууда. Издөө иштери жүрүп жатат.
Өткөн аптанын башында Төмөнкү Нооруз айылында жайгашкан 50-түрмөдөн тогуз кылмышкер качып чыккан. Аларды токтотууга аракет кылган ЖАМКтын үч кызматкери өлтүрүлүп, дагы бири оор жарадар болгон. Ал беш күндөн кийин ооруканада эсине келбей жатып көз жумган.
Качкан кылмышкерлердин бешөө ошол эле түнү кармалып, төртөө из суутканга үлгүргөн. Атайы операциянын натыйжасында алардын экөө жок кылынды. Ал эми түрмөгө кайтарылган кылмышкерлердин үчөө ооруканадан үч күндүн ичинде каза болушту.
