"Өнөгүм Курманалиев Канат менен 3-нөөмөттө иштеп жаткам. Бир жарымдар чамасында Тойота Эстима автоунаасы менен кылмышкер качты деген маалымат келди. 5 мүнөт өткөндөн кийин аны жолдон байкап калып, артынан түштүк",— деп айтып берди Бакиров.
Милициянын көзүнө чалдыгып калган кылмышкерлер, №50 түрмөдөн качкандан кийин изин жазгырып кетүүгө аракет кылып, эскертүү иретинде атылган окко да баш ийген эмес.
Бакиров аларды түнкү атайын рота жардамы менен Бишкек-Кордай багытындагы 10-чакырымында кармалганын айтып берди.
№50 түрмөдөн качкандар Кыргызстанда ишмердүүлүгүнө тыюу салынган "Жайшул-Махди" партиясынын мүчөлөрү болгон. Буга чейин аларга диний экстремизм жана терроризм боюнча кылмыш иши козголуп, эркинен ажыратылган.
Алар качуу учурунда үч ЖАМКтын үч кызматкерин өлтүрүп, бирөөнү жарадар кылышкан. Качкан 9 кылмышкердин бешөө кармалды. Төртөө изделүүдө.
