БИШКЕК, 8-окт. — Sputnik. Кыргызстан — Таджикистан беттешин көрүүгө келген күйөрмандарды стадионго коюлган атайын видеокамералар көзөмөлгө ала турганын КРдин Футбол федерациясынын маалымат кызматы билдирди.
8 Тогуздун айы 2015, 17:17
Оюн кечки саат 8.00дө Дөлөн Өмүрзаков атындагы стадиондо өтөт. Күйөрмандар оюн башталарга эки саат калганда билеттерин текшерирти кире баштайт.
Видеокамерадан сырткары, стадионго эки миңдей жаңы отургучтар коюлган. Ошондой эле билети жоктордун дубалдан аттап кирбеши үчүн атайы тосмолор орнотулган. Коноктор отура турган жердин үстү жабылып, маанилүү кишилердин орду да чоңойтулган.
Федерациядан билдиришкендей, аянттын газонуна да аябай маани берилип, анын абалы жакшы.
