БИШКЕК, 8-окт. — Sputnik. Sputnik эл аралык маалымат агенттиги жана радиосу бүгүн кечинде боло турган Кыргызстан менен Тажикстандын беттешүүсүн түз алып көрсөтөт.
Коомдук телерадиокорпорациясынын жетекчилиги менен оюнду КТРКдан алып көрсөтүү боюнча макулдашуу түзүлгөн. Анткени, телеканал матчты он-лайн тартибинде көрсөтүүгө укук алган жападан жалгыз маалымат каражаты болуп саналат.
Беттешүү 2018-жылы өтө турган Дүйнө чемпионатынын тандоо турунун алкагында Дөлөн Өмүрзаков атындагы стадиондо өтөт.
Sputnik — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай сыяктуу 35 тилде маалыматтарды таратат.
