БИШКЕК, 6-окт. — Sputnik. Ирандык журналист Мостафа Шоуги өлкөнүн мини-футбол боюнча аялдар курама командасынын бардык оюнчулары кыз-келиндер экенинен шек санабайт.
Бирок Ирандын "Хамшахри" гезитинин жетекчиси Шоуги мындай маалыматтар чындыкка дал келбей турганын Sputnik Persian агенттигине билдирди. Ал мындай жалган маалымат тараткан басылмалар өзгөчө Al-Arabiya агенттиги "өздөрү мындан жети жыл мурун аялдардын курама командасынын айланасында чыгарган жалган маалыматтарын бул ирет да колдонду" деп түшүндүрмө берди.
"Команданын бардык мүчөлөрү супсулуу айымдар экени талашсыз. Алардын спорт министри Махмуд Гудерзи менен жакында эле түшкөн сүрөтүнөн баары көрүнүп турат", — деди ал.
Спорт журналисти кыз-келиндердин курамасына байланышкан ушундай эле жаңжал 2008-жылы болгонун белгилейт.
Анда дыкат иликтөө болуп, гендердик тест тапшырылганын жана анын жыйынтыктары бардык жаңжалдарга чекит койгонун Шоуги кошумчалады.
