БИШКЕК, 30-сен. — Sputnik. Кыргызстан менен Тажикстандын курама командаларынын беттеши эки саатка жылдырылганын КР Футбол федерациясы билдирди.
2018-жылы болуучу дүйнөлүк чемпионаттын тандоо турунун алкагындагы оюн 8-октябрда Бишкек шаарында өтөт. Буга чейин матч кечки саат 6.00дө башталары маалымдалган. ФИФАнын чечими боюнча оюн кечки саат 8.00дө жылдырылды.
Төрт беттештин жыйынтыгы менен "В" тайпасында Австралия бардык мүмкүн болгон тогуз упайды топтоп, ишенимдүү түрдө алдыда келе жатат. Экинчи орунда Иордания (7 упай), андан кийин Кыргызстан (4 упай), Тажикстан (1 упай) жана Бангладеш (1 упай) келе жатат.
Теориялык жактан алганда бардык командалардын кийинки раундга өтүүгө мүмкүнчүлүгү бар. Ал үчүн калган беш турда жеңишке жетиш керек.
Дүйнөлүк чемпионаттын финалдык бөлүгү 2018-жылы Россияда өтөт.
