Салык мыйзамын бузгандар үчүн жаңы административдик айып белгиленди

© Фото / пресс-служба ГНС КРСалык төлөө брошюрасы. Архив
Салык төлөө брошюрасы. Архив - Sputnik Кыргызстан
Жазылуу
Кодекстеги жаңы түзөтүүлөрдө жарандардын салык салуу менен байланышкан отчетторун жана эсептерин өз мөөнөтүндө тапшырбаганы үчүн жоопкерчиликтер каралган.

БИШКЕК, 29-сен. — Sputnik. Салык мыйзамын бузуулар үчүн административдик айыптын минималдуу өлчөмү белгиленгенин Мамлекеттик салык кызматы билдирди.

Маалыматка ылайык, Кыргызстанда 2015-жылдын 1-октябрынан тартып салык мыйзамын бузууга ниеттенген административдик укук бузууларды жөнгө салуучу, Административдик жоопкерчилик жөнүндө кодекске киргизилген өзгөртүүлөр күчүнө кирип, укук бузуулардын айрым түрлөрүнө карата жоопкерчиликти аныктайт.

"Салык төлөөдөн баш тартканы жана бухгалтердик эсепти бурмалаганы үчүн салынуучу административдик айыптын минималдык өлчөмү жарандарга 10дон 20га чейинки эсептик көрсөткүчүнүн (бир эсептик көрсөткүч 100 сомго барабар), кызмат адамдарына 50дөн 100гө чейинки, юридикалык жактарга 100дөн 200гө чейинки эсептик көрсөткүчүнүн өлчөмүндө аныкталган", — деп айтылат билдирүүдө.

Архив: акча - Sputnik Кыргызстан
Өлкөдөгү Салык кодексине толуктоолор, өзгөртүүлөр киргизилди
Кодекстеги жаңы түзөтүүлөрдө жарандардын салык салуу менен байланышкан отчетторун жана эсептерин өз мөөнөтүндө тапшырбаганы үчүн жоопкерчиликтер каралган.

Ага ылайык, бирдиктүү салык декларациясы, ошондой эле башка салыктык отчеттор, эсептер жана башка салык салууга байланышкан документтер мыйзамда белгиленген мөөнөттө тапшырылбаганы үчүн жарандар 20, кызмат адамдары 50, юридикалык жактар 100 эсептик көрсөткүчүнүн өлчөмүндө административдик айып тартат.

"Салыкты өз мөөнөтүндө төлөбөгөн жарандар үчүн 10дон 20га чейинки, кызмат адамдары үчүн 30дан 50гө чейинки, юридикалык жактар үчүн 100 эсептик көрсөткүч өлчөмүндө административдик айып каралган", — деп айтылат маалыматта.

Административдик жаза колдонулгандан кийин бир жыл ичинде кайра укук бузган кызмат адамдары жана юридикалык жактар 20дан 200гө чейинки эсептик көрсөткүчүнүн өлчөмүндө айып тартат. 

Жаңылыктар түрмөгү
0