БИШКЕК, 27-янв — Sputnik. Президент Алмазбек Атамбаев "КР Салык кодексине толуктоолорду жана өзгөртүүлөрдү киргизүү жөнүндөгү" мыйзамына кол койду. Бул туурасында президенттик маалымат кызматы билдирди.
Мыйзам Жогорку Кеңеш тарабынан 2014-жылдын 11-декабрында кабыл алынган.
Мыйзамдын максаты – турак-жай курулуштарын жүзөгө ашырган жана курорттук, ден соолук тармагында кызмат көрсөткөн чарба субъекттеринен салык алуунун системасын жана салык башкарууну жакшыртуу.
Мыйзам субъекттердин жеке жоопкерчилигин жогорулатууга; салык алуудан качуунун техникалык мүмкүнчүлүктөрүн жоюуга; мамлекеттик бюджетке кирешелерди көбөйтүүгө; курулуш уюмдары менен фискалдуу органдардын ортосундагы болгон карама-каршылыктарды чечүүгө багытталган.
Мыйзам расмий жарыяланган күндөн тартып, 15 күн өткөндөн кийин күчүнө кирет.
