БИШКЕК, 17-сен. — Sputnik. Тажикстанда жок кылынган министрдин мурунку орун басары Абдухалим Назарзода чет өлкөдөн каржыланып турганын Тажикстандын Башкы прокуратурасы билдирди.
4-сентябрда башталып 16-сентябрга чейин уланган атайы операция учурунда 25 согушкер жок кылынып, бандиттик топтун 125 мүчөсү колго түшүрүлгөн. Өлгөндөрдүн арасында Назарзода да болгон.
Бейшемби күнү Башкы прокуратура Назарзоданын өлкөдөгү абалды туруксуздаштыруу планы ушул жылдын август айында түзүлгөнүн билдирди.
"Назарзода чет өлкөдөгү колдоочуларынан ири көлөмдөгү каражат менен камсыздалып турган", — деп айтылат билдирүүдө.
Буга чейин Башкы прокуратура Тажикстандын ислам кайра жаралуу партиясынын 13 мүчөсү Назарзода менен байланышы бар деп шектелип камакка алынган.
Мекеменин маалыматы боюнча, топтун кармалган мүчөлөрү өлкөдөн чыгып кетүүгө аракет кылышкан. Мындан тышкары, Башкы прокуратура кармалгандардын тизмесин туулган жылы менен кошо жарыялаган.
Маалыматта тергөө иштери улантылып жатканы айтылат.
